2013年7月8日星期一

Girls's Day Out with 99@Costco (2013年7月5日)



Costco係美國一間開放比零售顧客既批發warehouse店,
除美國本土外,分店遍佈英國、加拿大、澳洲、墨西哥、台灣、南韓 + 日本~
聽聞香港曾經都有分店,不過好似已經執咗笠.........

喺Costco
購物需要membership~ 會籍分個人 + 商戶兩種;
幾年前Mr.T曾經買過會
籍 + 整咗個附屬會比我,
不過雖然
Costco會開放比我地依種零售顧客,
不過
佢地始終主要係做批發客,所以大部份貨品都好大份,
Costco買一次野有排都用唔哂,所以我地果時好耐先去一次,
籍到期後就無續期~
之前同99傾開Costco,佢話好耐無去過想去行吓........
上星期五99問一位阿姨借咗張
membership卡,
打電話問我去唔去.......shopping我緊係累飯啦!


Well~ 其實
membership當然應該要係持卡人本人啦......
不過洋人眼中個個中國人都一樣樣,
所以雖然阿姨短頭髮帶眼鏡,
但長頭髮無帶眼鏡既99渣住張卡一樣過到骨!


樣樣睇吓摸吓加上地方大,行足2粒鐘.........

Costco既特大購物車裝到大半滿..........



麥漢堡咁大隻既巨型Portobello蘑菇 x 2 (我同99一人一盒!)


抵到爛bronze dies意大利粉一pack 8包只係£4.99~



超級勁甜地捫菠蘿,唔記得幾錢,只係記得真係好平,
仲有係勁勁勁甜!!!!!!


紐西蘭急凍蜆一包

其實我仲有好多野想買.........
雞肶、原條三文魚柳、海鮮沙律、壽司拼盆..........
可惜我早一日已買咗餸 + 雪櫃晨早已爆棚!


99買咗大包甜橙; 車厘子x 2、豬肉眼、安格斯西冷 + 車厘茄~


99要控制血糖唔食得太多水果,
所以分咗d橙 + 車厘子比我地~


仲比咗2塊安格斯西冷我地!


買完野我比返錢99,但99唔肯收.........
所以我請返99飲茶~ 地點係大龍鳳(茶樓來架! )


星州炒米


芥蘭腐皮蝦腸~ 香脆香口腸粉滑滑好好食~

其實仲有山竹牛肉 + 小籠包......
不過我唔記得帶相機,手機又無電!

幾年無去過Costco,今次去返覺得好正,有好多野想買........
心思思想整返個membership呢!



依咋唔係Costco,係weekend買既.........


書店9折既收穫~


彩色波點 + 車厘子圖案朱古力轉印紙


Ashworth & Claire of London香香薰衣草沐浴露
(我買來當洗手液! )


Virgin VIE 香香body lotion (我買來當hand cream!! )






Photobucket

10 則留言:

  1. 滿載而歸
    香港Costco執左囉,真可惜!
    [版主回覆07/09/2013 00:33:48]其實我住外國都覺得佢地d野太多太大份,我覺得佢地喺香港做唔起係正常既!

    回覆刪除
  2. 大龍鳳開返la..
    [版主回覆07/12/2013 06:19:43]obviously~

    回覆刪除
  3. 蕙食廚房 - Cat's kitchen2013年7月8日 下午6:33

    我鍾意食Costco既蝦餃
    [版主回覆07/12/2013 06:19:16]洋人蝦餃?

    回覆刪除
  4. 我都好想行外國個啲超大間超市...可惜...香港租金爆貴..邊有超市可以咁大間,但又做得住啦...
    如果比我去左Costco..我諗我可以買到破產...哈哈
    [版主回覆07/12/2013 06:18:50]依間係主要做批發,不過英國主要幾間零售超市,大部份都係好大間!

    回覆刪除
  5. Boutique Baking的書好美 真有立刻想要打開來看的慾望
    [版主回覆07/12/2013 06:17:08]我好鍾意依本書個作者,佢整既曲奇 + 蛋糕都好靚~ 我唸咗好耐買唔買依本書,因為我其實想買佢另一本書,但之前錯過咗,而家搵唔返果本......

    回覆刪除
  6. I heard that if you have Costco gift card and you are not member. you can still go in and buy stuff.
    [版主回覆07/12/2013 06:15:17]didnt know that~ never receive a Costco gift card....

    回覆刪除
  7. 《Ka MaN 日記》2013年7月9日 上午6:50

    今年朋友仔都有 join Costco, 佢地啲嘢真係勁大 pack。。。我地有時買嘢都同朋友仔媽分。。。但佢地啲嘢真係平過平時超市。。攪到成日都心思思想去。。。
    [版主回覆08/08/2013 00:31:01]係Yahoo 有問題! 由舊年10月到而家一直都係咁,一時收到email,一時收唔到~
    雖然個Airfryer好抵,不過佢有d醜樣.....
    [《Ka MaN 日記》回覆08/07/2013 10:23:56]而家 yahoo 唔識 Email 比我話有回覆...
    下下要自己Check..!!
    定係我個 yahoo 有問題呢..??
    其實係平一半同係新玩具 HAHA..!!
    [版主回覆07/30/2013 16:59:47]我一向唔介意開爐炸野,所以仲係唸緊要唔要~
    [《Ka MaN 日記》回覆07/30/2013 11:15:19]平一半咁抵...!!
    又唔使開鑊油又可以食到炸嘢 feel 都幾好..!!
    你地而家鬼死咁熱向廚房炸完嘢人都溶..!!
    [版主回覆07/17/2013 17:31:25]我睇中佢個Airfryer呀! 平過電器舖一半咁滯! 唸緊買唔買好.....
    [《Ka MaN 日記》回覆07/17/2013 14:19:05]我好多時去買奶, 佢有我飲開嘅 lactose free 奶 (1L 一樽) 又平過平時超市 1/3.... 同佢有隻 hot dog 腸幾好味... 係無 HK 廚師咁好味但都唔錯... 就係呢 2 樣嘢搞到我成日都想去...
    [版主回覆07/12/2013 06:14:43]批發幾時都係平過零售架嘞! 不過我又唔會成日心思思想去,反而久唔久去一次就幾過癮~

    回覆刪除
  8. 睇題目,以為你同朋友去行街.
    costco雖然D野抵,但真係太大份啦,我多數去買維他命丸,大大樽又平有效期又耐,食物就真係要兩家人分先可以買.
    [版主回覆07/12/2013 06:13:38]哈哈~~~ 我99都係女來架嘛!
    d野真係好抵,不過真係太太太大份! 果日有好多野都想買,但係真係有排食唔哂用唔哂......

    回覆刪除
  9. hea了幾年後,最近開始返工,發覺購物欲變得更強了,每到假期都好想shopping,看你的post是我返工路上的一大享受
    [版主回覆07/12/2013 06:10:10]其實只要係女人購物慾必定會強!

    回覆刪除
  10. 我都好鐘意去Costco買嘢, 我住得很近, 行路10分鐘, 駛車2分鐘, 但因物件太大份,
    每次都是要駛車過去, 不過, 要是只買兩條麵包, 我也散步過去, 雖然大份, 約是遇上 減價,
    真是很抵買. 昨天我買了一包Gift Wrapping paper, 4 rolls, 仲係 reversible,
    只售CAD 4.99, 還有是 made in UK, 真是抵到不得不買.
    Costco Gift card只 可以買正價嘢, 但不可買減價貨品
    [版主回覆07/12/2013 06:08:44]我唸去親Costco買野既人都係渣車架啦! 佢連包橙都大包過人,唔渣車點攞.....
    抵真係好抵,不過真係太大份,久唔久去一次幾過癮~

    回覆刪除

Related Posts Plugin for WordPress, Blogger...