2011年9月16日星期五

富貴榮華搬新屋 (2011年9月14日)


 依個圓形水晶缸係富貴榮華既"舊屋"~

早在富貴榮華入住之前,已經有過不知幾多手住客......


 富貴榮華最初入住時,仍然用緊舊住客剩低既波子......


 早前我買咗棵水草; 又特登去Strathclyde Park 湖邊執咗咋石仔......

將富貴榮華既居所重新"裝修",

打造成充滿大自然氣息既風格!

(可惜棵水草太高 - 無論打直或打橫擺,總有一部份會凸出水面!!
)



上星期我如常幫富貴榮華換水~ 不過2日後一個早上......


老公: 咦...Honhon 妳倒瀉水呀?


 我: 無呀......

我行埋去一睇......圍住魚缸周圍既枱布濕咗一大撻圓形水跡
- 好明顯水係來自魚缸!

即時摷返個emergency 膠魚缸出來頂住檔~ 一撥開缸底石春,就睇到缸底打橫有一大條裂痕!!


不過條裂痕究竟係點來? 仍然係一個謎......



舊既唔去,新既唔來~

個缸突然爛咗,正好比機會我又去shopping!


不過奄尖得來要靚又要型既我,唔想要pet shop 果種三尖八角設計死板既魚缸,所以行咗幾日兼去過好多間shop 都搵唔到心水......


 最後無意中比我喺Glasgow Fort TK Maxx 搵到依間"豪宅"比富貴榮華!!


 而家棵水草終於可以打直棟起,唔會凸出水面嘞!

豪宅內籠闊落得來又唔阻地方,唯一缺點只係重咗少少......

新居仲有一個比舊居好好多既地方 - 方便影相!


舊居因為係圓弧形,好難捕捉富貴榮華既動作神態,影到既相大部份都係變哂形......

不過豪宅新居長方形四四正正,逐條影close up 都完全無問題!
















富貴榮華真係好鬼得意~


好鍾意幫佢地影相!



>>>>>>>>>>>>>>>>>>>>>>>>>>>>>>>>>>>>>>>>>>>>>

除咗換新屋之外,仲換咗隻新魚糧......


 之前富貴榮華食開依隻魚糧,我喺V媽媽舖頭攞既!

依隻係半浮沉魚糧 - 即係落水後先浮一段時間,再慢慢沉底~

不過我餵親魚,通常魚糧仲係浮既時候,已經比富貴榮華食鬼哂!!

依邊買唔到依隻半浮沉糧......


 所以我買咗依隻試吓,不過依隻原來係沉糧 - 一落水即刻全部沉哂底!


唔知係咪因為富貴榮華食開浮糧...我見到佢地眼甘甘望住魚糧沉底,戇居居咁一粒都無食到!

於是我將魚糧整碎d再餵過,不過都係沉哂底!!

唸住第二日再買過另一隻魚糧比佢地,點知......


 隔咗個零鐘頭,我發現原本沉底既魚糧無鬼哂......

富貴榮華個肚全部脹卜卜!


(噢賣葛~ 我仲以為佢地食唔到沉底魚糧!! )

好彩斷食1日後 + 佢地開大之後,身型終於回復正常~


 24小時內身型可以相差咁遠,你地都真係好誇張啫!





 為免再錯手或有任何其他原因餵多份量,最後我都搵到返依隻半浮沉魚糧~


 另外買咗盒紅蟲乾梅花間竹來餵富貴榮華!




各位有養魚既blog 友請注意~~~~

大家千其唔好因為覺得魚魚食野個樣好得意就不停去餵魚~

因為魚魚係唔知飽既,換句話說 - 你餵幾多比佢地,佢地會照單全收!

魚魚應該隔日,甚至每隔2日先餵一次; 而且每次餵好少既份量已經足夠(當然要視乎返你養緊魚既種類 + 數目啦! )

咁魚魚食得太飽會點呢? 有2個可能性......

(1) 釘蓋;

(2) 魚魚食得太飽未消化得哂 + 未來得切開大,魚糧就有可能會逼爆魚魚個魚膘!

魚膘爆咗既魚魚未必一定死,不過就調整唔到身體浮沉及平衡,於是魚魚會反轉游背泳......成世都係咁好慘架!!





11 則留言:

  1. 人可以咁快瘦身就好LU.... 原來爆腸魚唔一定釘蓋, 但就比C更難受...
    [版主回覆09/19/2011 18:02:00]係呀~ 爆魚卜唔死要成世反轉來游水,比死仲加慘啊!!
     
     

    回覆刪除
  2. 祝富貴榮華新居入伙 ^^ 佢地好可愛呀
    [版主回覆09/19/2011 18:01:00]Thanks Katie!  好鍾意佢地,望住佢地幾個字都唔會覺得悶呢~
     
     

    回覆刪除
  3. 嘩,養魚都要有好有學問喎! 我一定都係食得太多,雖然未爆腸,但都已經肚滿腸肥到比C更難受了!
    [版主回覆09/19/2011 18:00:00]金魚已經係最容易養最易打理架嘞! 養熱帶魚或鹹水魚就仲加多零零碎碎配件 + 理論呀......
     
    哈哈~~~ 人唔同既 - 人係食得是福嘛!  不過都要適可而止!
     
     

    回覆刪除
  4. 魚魚新居好別緻呀 ,好彩有“魚公主”提醒,第二時有機會再養魚時,就會小心d照顧佢地喇!
    [版主回覆09/19/2011 17:58:00]新居係醒目既Mr.T 搵到架! 超鍾意~~~~
     
    養任何寵物都希望佢地有咁長命得咁長命,人食得太多都唔健康啦,何況係豆丁魚仔?
     
     

    回覆刪除
  5. 《Ka MaN 日記》2011年9月17日 上午6:36

    真係好鍾意富貴榮華間新屋...
    而家有間大屋佢地就可以好自由自在咁活動啦...!!
    我向 MELB 都係見 D 沉糧多...
    成日都 沉晒向底 ( D 石仔下面)....
    見到富貴榮華咁得意都好想養返魚仔...
     
    [版主回覆09/19/2011 17:56:00]我都好鍾意佢地間新屋! 係Mr.T 醒目搵到既呢~
     
    我問過V媽媽,佢話其實係沉糧比較好架! 因為沉糧無咁易濁水喎!
     
    養啦養啦! 魚仔又得意又易打理,增加屋企生氣嘛!
     
     

    回覆刪除
  6. 新居真係好靚長方型窄身又唔阻地方
    P.S. 你唔影出嚟都唔知原來食飽咗D魚會漲咗咁多, 真係大開眼界
    [版主回覆09/19/2011 17:52:00]其實係食得過量先會脹成咁! 佢地真係好鬼誇張......
     
     

    回覆刪除
  7. 唉!我媽咪就係覺得d魚食嘢時好得意,所以一得閒就餵,經我哦咗佢一大輪後,依家就一日餵一次 好少 份量o既魚糧。我d魚冇反轉游,仲 好健康, 但就條條都肥嘟嘟有個肚腩囉!
    [版主回覆09/19/2011 17:51:00]養得佢地都想佢地命仔長! 我都覺得佢地食野時係好得意,不過真係唔可以餵太多 + 餵太密,餵得多 + 密,連水質都差d架!
     
     

    回覆刪除
  8. 真係食到個肚脹晒呀 ~ 唔知飽真係要餵得好小心~
    [版主回覆09/19/2011 17:49:00]仲要脹得好鬼誇張喎!  我幾驚佢地會爆肚呀.......
     
     

    回覆刪除
  9. 富貴榮華間豪宅好正喎!
    佢地真係好靚
    [版主回覆09/19/2011 17:48:00]其間豪宅係醒目Mr.T 搵到架!
     
     

    回覆刪除
  10. 魚魚實在可愛 ! 
    [版主回覆09/19/2011 17:40:00]thank you Maggie!
     
     

    回覆刪除
  11. 我見到相度D魚肚仔咁脹我都係好似你咁驚呀~ 然後仲要睇到話爆肚唔會丁﹐但成世游背泳 我真係
    [版主回覆09/26/2011 03:36:00]我果日見到佢地個肚脹到咁我勁嚇咗一跳,所以我而家2日先餵佢地一次,每次比好少佢地食咋~ 我寧願佢地食少d,好過食到爆肚反轉來游水......
     
     

    回覆刪除

Related Posts Plugin for WordPress, Blogger...